НОВИ САД – Вишло 42. числo наших новинох. На рубрики Тижньовнїк обявени текст о Округлим столу о очуваню нєматериялного културного скарбу меншинох у Републики Сербиї, хтори отримани у Суботици.
У рубрики Нашо места єст текст о нащиви Ґеронтолоґийного центра у Коцуре етно збирки „Одняте од забуца”. Призначени и проблеми у дюрдьовскей оводи. У истей рубрики и розгварка зоз Ґораном Бобальом хтори жиє у Швайцарскей.
На бокох Економиї обявени тогорочни искуства у продукциї цукровей цвикли у коцурским хотаре, а нашо новинаре призанчели манифестацию „Днї бундави” у Кули.
Од темох у рубрики Духовни живот текст о преслави Кирбю у Вербаше, як и текст о означованю 150-рочнїци од народзеня владики Дионизия Нярадия у Руским Керестуре и у Хусту у України. У рубрики Култура и просвита у тим чишлє обявени текст о додзельованю награди „Василя Турока Гетеша” др Михайлови Фейсови.
У рубрики Людзе, роки, живот обявене стертнуце зоз казательнїком медзинародней евангелистичней церкви зоз Ческей Лєвом Шулцом. Наша госцинска, у тей рубрики, Єлена Кухар дипломовани физиотерапеут зоз Нового Саду.
Ту и нєзаобиходна рубрика информатор, а у першим плану рубрики Спорт текст о успихох наших фодбалских клубох.
У тим числу обявени додатки Дом и фамелия и Руске словечко.