НОВИ САД – У 52. чишлє Руского слова у 2024. року новинаре у рубрики Тижньовнїк пишу о схадзки у Беоґрадзе хтора орґанизована за представительох националних совитох и їх Одбори за службене хаснованє язика и писма, а бешедовало ше о Совитох за медзинационални одношеня.
На бокох нашо места тексти о пририхтованьох за преславу Нового року, текст о 19. схадзки Скупштини општини Кула на хторей одлучене же Владимир Олеяр будзе о.д. директора ЯКП „Руском” у Руским Керестуре. А Михайло Пашо и далєй будзе секретар МЗ Руски Керестур после конкурса.
На духовних бокох тексти о швету Миколая у наших парохийох и о преславйованю Крачуна у Руским Керестуре.
Наш госц на бокох Людзе, роки живот Владислав Олеяр зоз Руского Керестура, пекар, хтори зна печиц добри хлєб, алє и зашпивац.
На бокох култури и просвити пише о тим же Новинарска асоцияция Руснацох означела 100-рочнїцу „Руских новинох” под назву ,,Нашо медиї у контексту златного ювилею”. Отримана Дзецинска крачунско-новорочна програма Пахулька, на хторей Дїдо Мраз нє забул на дзеци. У Коцуре бул Литературни вечар на чесц Серафини и Силвестерови Макайовим.
На спорту у Трецим полчасу представени Златко Саянкович, фодбалер хтори цали живот препровадзел на керестурским Ярашу.
У тим чишлє додаток Литературне слово, а на бокох Тепши рецепт за бобальки и крачунску рибу на тешпички.
Шлїдуюце число новинох „Руске слово” видзе 10. януара 2025. року.