НОВИ САД – У найновшим 6. чишлє новинох ,,Руске слово” у рубрики Тижньовнїк, фокус на студенских протестох хтори отримани прешлого викенду, а окреме у Новим Садзе кед блокирани три мости. Тоту тему дотхнул и новинар Александар Саванович у Анатомиї нашого часу.
На бокох Нашо места Руске преноши атмосферу зоз штвартей манифестациї Капушнїк фест, хтора 1. фебруара отримана у Коцуре. Схадзка УО Рускей матки отримана тиж у Коцуре 31. януара.
У рубрики Економия напис о тим як порихтац пластенїки и жем за шатву паприґи, док о продукциї овоцових сокох бешедує овоцар Звонко Гнатко зоз Шиду. У истей рубрики вецей о методох реґенеративней польопривреди.
Н бокох Култури з Драмского студия АРТ Дома Култури Руски Керестур наявена премиєра драми на Мемориялу. У Дюрдьове отримана порядна Рочна скупштина Дружтва.
О мини фарми маґарцох, алє и своєй роботи деминера на бокох Людзе роки живот бешедовал Любомир Гнатко зоз Петровцох.
На Духовним живоце зазначене стретнуце младих, членох Руху фоколарох у керестурскей парохиї.
У рубрики Спорт вецей о схадзки Орґанизацийно одбору Спорских бавискох Яша Баков, хтора 2. фебруара отримана у Петровцох у Републики Горватскей. Ту и боки о фодбалу, од наймладших по сениорох.
На бокох горуци тепши сладки рецепт – Баунти чоколадки.
У тим чишлє и два додатки – Дикица и Мозаїк .