НОВИ САД – У найновшим, 29 чишлє новинох „Руске слово”, у рубрики Интермецо представяме нашого музичара Олесю Балач зоз Нового Саду.
У Тижньовнїку пише о новей фази протестох после Видовданского хтори отримани у Беоґрадзе. Министерка за локалну самоуправу и державну управу була у Новим Садзе на стретнуцу зоз началнїками управних округох и представнїками локалних самоуправох. У тим чишлє наявена и Школа руского язика у Попраду у Словацкей, на хтору школяре одпутую 23. юлия.
У рубрики Нашо места пише о лєтних нєпогодох у Бачки и Сриме, ту и текст о Добрoдзечним огньогасним дружтве Ґосподїнци дзе визначую же за лєпше дїлованє треба векша финансийна потримовка локалних самоуправох. У Вербаше тирва реконструкция ґимназиї.
БокиЕкономиї пошвецени бостану и искуствами того року – конкуренция зменшує цену, алє и заробок.
На бокох рубрики Култура и просвита пише о концу школского року у школи за основне музичне образованє у Кули, и о наградзених з нагоди 80 рочнїци НВУ „Руске слово” Маї Зазуляк Гарди и Ясмини Дюранїн.
На бокох Людзе, роки, живот стретнуце зоз Николаю Пленкович зоз Єлси у Горватскей.
На Духовним бокутексти о Кирбаю у Новим Садзе, паломнїки зоз Гуменого зоз Словацкей нащивели нашо парохиї и церкви, а на двох бокох интервю зоз митрополитом прешовским Йоном Максимом хтори визначел же би ше грекокатолїки у Словацкей без владикох зоз долнєй жеми чежко зачували.
Додаток у тим чишлє Дом и фамелия як тему ма сезонски роботи.
На бокох Спорту тексти о турнире у малим фодбалу у Руским Керестуре, як и репортажа о Ловарским дружтве у Дюрдьове.
Руске словечко зазначело два подїї за дзеци – Филмски вечар у КУД „Тарас Шевченко” у Дюрдьове и розваги у пени у Руским Кeрестуре.