ШИД – У Спортскей гали вчера отримана програма на хторей подзелєни новорочни пакецики дзецом зоз Предшколскей установи „Єлица Станивукович Шиля“, а спред МЗ Шид и дзецом хтори нє облапени зоз пребуваньом у спомнутей установи.
Дзеци и їх родичох привитал предсидатель општини Шид Зоран Семенович, а вец почала такволана „журка” хтору виведли „Циркус аниматоре“, була ту кральовна, мали Дїдо Мраз и Баба Мразаня як други учашнїки хтори прицаговали увагу наймладшим.
Як и звичайно при концу Дїдо Мраз дзелєл пакецики дзецом хтори як и каждого року обезпечела локална самоуправа.
