ЗОМБОР/ЧЕРВИНКА – Школяр 7. класи ОШ Петро Кузмяк Теодор Штранґар, всоботу 18.марца, на Окружним змаганю зоз хемиї за школярох основней школи завжал 3. место.
Змаганє отримане у Зомборе, а Штранґаров бул єдини представнїк керестурскей Школи на тим змаганю за котре го пририхтала наставнїца Ясминка Надь.
Внєдзелю, 19.марца, у Червинки у ОШ ,,Вук Караджич” отримане Општинске змаганє зоз биолоґиї за школярох основней школи на котрим Доротеа Рамач и Никола Петкович, школяре 5. класи ОШ „Петро Кузмяк”, освоєли 3.место и дальши пласман на окружне змаганє.
На змаганю ище участвовали Яна Варґа, Ребека Сабадош и Тияна Бучко зоз 8. класи, Лана Шомодї, Каролина Пап и Аня Колошняї зоз 7 класи, Валентина З. Харди и Тони Орос зоз 6. класи, и Дюла Фаркаш зоз 5 класи. За змаганє их пририхтала наставнїца Єлена Шомодї.