КУЛА – Младежске здруженє „Видриˮ, зоз потримовку Општини Кула, Туристичней орґанизациї општини Кула и Явного водопривредного подприємства „Води Войводиниˮ, того викенду орґанизовало другу Кулску реґату.
За розлику од прешлорочней, того року реґата тирвала два днї, позберала скоро 150 учашнїкох хтори веслали од Зомбору по Мали Стапар, а потим и од Малого Стапару до Кули.
Учашнїки спали у шатрох, патрели филм зоз кануа, дружели ше, змагали и препровадзели квалитетни час у природи.
Учашнїкох реґати поздравел и предсидатель Општини Кули, Дамян Милянич, хтори похвалєл збуванє, пошвецене спорту и младим, през хторе ше промовує поцаг од Малого Стапару по Кулу, а у хторим и учашнїки и патраче наисце уживаю.
