РУСКИ КЕРЕСТУР – Пондзелок, 22. децембра после вечаршей Служби Божей и Крачунскей дзевятнїци, до Катедрали св. оца Миколая сцигол Вифлеємски пламень. Принєсол го Михаїл Римар зоз младима.
Вифлеємски пламень будзе у церкви през швета, а после каждей Служби Божей годно запалїц свою швичку и однєсц тот пламень дому.
Швичка на хторей бул запалєни вифлеємски пламень чува од напасцох – палї ше го кед пада каменєц, кед ше модлї за виздравенє и умартих, кед фамелию знайду рижни нєщесца и кед ше благодари Господу за прияти ласки.
