НОВИ САД – Перше число Заградки у тим року тих дньох сцигнє нашим вирним читачом.
Такой на початку пририхтани цалком нови задаток у рубрики Пречитали и роздумали, а после нього шлїдзи рубрика Госци и новосци аж на штирох бокох, бо тельо требало места же бизме обявели рижни подїї.
У Читальнї обявени даскельо писньочки, котри илустровала Яна Варґа, а ту и нова приповедка у сличкох.
Мала Заградка и тераз пририхтана так же би наймладши могли вифарбйовац, виписовац задати линиї, алє и поопатрац роботи хтори послали.
Ту и рубрики Школяре авторе и Забавни боки, а рубрика Радио у Заградки пошвецена Националному швету Руснацох.
Маша Дудаш зоз Руского Керестура представела свойого заячка Пуфну и други животинї у рубрики „Мой любимец”, а астрофизичар др Роберт Джуджар нас учи о мистерийох Слунковей системи.
На остатнїм боку, у Заградковей ґалериї, положени слики зоз програмох у котрих участвовали нашо школяре з нагоди Националного швета Руснацох.
Дарунок у тим чишлє то вифарбйованка зоз сликовнїци „Єдначини през бависко” авторки Оксани Мудри Недич котру илустровала Александра Русковски.