Вистава сликох и промоция кнїжки Сонї Папуґа

автор В. Вуячич
436 Опатрене

БЕҐЕЧ – У рамикох 32. Дньох Миколи М. Кочишa, всоботу, 3. децембра у Културним центру Беґеч отримана промоция двоязичней кнїжки поезиї Сонї Папуґа „Думки ми лєца / Мисли ми лете” зоз подобову виставу.

Виставу сликох Сонї Папуґа, слики хтори робени у технїки енкаустика отворела и о сликох бешедовала предсидателька Здруженя подобових уметнїкох ЛИКУМ Нови Сад Любица Амиджич.

Спред Дружтва за руски язик, литературу и културу о кнїжки Сонї Папуґа „Думки ми лєца / Мисли ми лете” бешедовали Ирина Папуґа и мр Гелена Медєши.

Стихи зоз кнїжки по руски и по сербски читали авторка и Блаженка Хома Цветкович.

Виставу и промоцию кнїжки орґанизовали Дружтво за руски язик, литературу и културу, Здруженє подобових уметнїкох ЛИКУМ Нови Сад и Културни центер Беґеч.

ПОВЯЗАНИ ТЕКСТИ