РУСКИ КЕРЕСТУР – Волонтере парохийного Каритасу на Вилїю, 24. децембра порозношели крачунске єдзенє до двацецєдного керестурского обисца фамелийом лєбо старшим особом у потреби.
Тота традицийна акция и того року була удатна бо ше велї парохиянє одволали и помогли. Так Рибалов Еделински и того року подаровал рибу, купело ше и рискашу, єдна фамелия подаровала квашеней капусти, друга яблука, а школяре з керестурскей школи колачи котри правели за свой крачунски вашар.
Як з тей нагоди гварел керестурски парох о. Варґа, дух дарованя, и Миколайового прикладу и того року живи у парохиї и сиґурно бул добре пририхтованє за Крачун.
