КОЦУР – По податкох зоз парохийних матрикулох у грекокатолїцкей парохиї Успения Пресвятей Богородици у Коцуре за 2024. рок зазначене же у тим року покресцени 19 особи, повинчани 7 пари, а поховани 25 особи.
Од вкупного числа покресцених, 18 дзеци до 1. року старосци (11 хлапци и 7 дзивчата) и єдно дзецко од 1-7 рокох.
Кед слово о похованих, поховани 14 хлопи и 11 жени. Найстарши од хлопох котри умар то Микола Уйфалуши (87 роки), а найстарша од женох Єлена Вадаски нар. Надь (92 роки).
У 2023. року у коцурскей парохиї покресцени були 24 особи, повинчани штири пари, а поховани 32 особи.
Концом прешлого року грекокатолїцка парохия Успения Пресвятей Богородици у Коцуре чишлєла коло 2250 парохиянох.