РУСКИ КЕРЕСТУР – Зоз благодарну вечаршу Службу Божу, котру служел о. Владислав Варґа и о. Владимир Медяши, вовторок, 20. януара закончена дзевятнїца до Мариї котра розвязує ґузли живота.
Каждого вечара, дзевец днї у каплїци Успения Пресвятей Богородици у Манастире шестрох Служебнїцох НДМ, после вечаршей служби, на 18 годзин вирни ше модлєли Дзевятнїцу до Мариї котра розвязує ґузли живота.
Коло 30 вирни приходзели и приказовали свойо молитви, свойо ґузли у живоце котри треба розвязац, а дзевятнїцу ше преношело и на ФБ Церкви у Руским Керестуре, та велї вихасновали нагоду же би ше так модлєли.