КОЦУР – Побожносц модлєня Лурдескей дзевятнїци котру числени парохиянє модля каждого року закончена вчера, 10. фебруара, у грекокатолїцкей церкви Успения Пресвятей Богородици у Коцуре.
Як и предходних рокох,и того року вирни коцурскей парохиї през дзевец днї модлєли пацерки и Молебен у церковней сали.
Лурдеску дзевятнїцу ше модлї пред нєзаповеданим шветом Лурдескей Мариї котре пада 11. Фебруара. Тоти днї молитви и побожносци нагода же би ше парохиянє здогадли на дзень кед ше у Лурду Бернадети указала Мария.
