НОВИ САД – Члени Координацийного одбору дружтвох за язики, литературу и културу, штварток 14. марца у Дунайским парку коло бисти Мирослава Антича, отримали програму „Виприповедане вяри”.
Програму ше орґанизує у рамикох означованя рочнїци народзеня писателя, публицисти и филмского творителя Мирослава Антича (Мокрин, 14.03.1932 – Нови Сад, 24.06.1986)
Коло писательовей бисти члени Координацийного одбору положели квеце и читали його стихи, алє и стихи писательох членох КОО на вецей язикох. Спред Дружтва за руски язик, литературу и културу у програми участвовала Ирина Папуґа.
