НОВИ САД – На вчерайшей схадзки Покраїнскей влади вигласане же ше обезпечи клими за штири здравствени установи чий снователь Автономна покраїна Войводина.
Клинїчни центер Войводини достанє 30 клима апарати, Институт за здравствену защиту дзецох и младих Войводини 11, Общи шпиталь у Вербаше 20 клими, а Дом здравя „Др Дьордє Лазич” у Зомборе 10 апарати.
Завод за явне здравє Зренянин достанє ґазни хроматоґраф зоз масовим детектором, а за потреби Института за кардиоваскуларни хороти Войводини набави ше два апарати „Старлинґ” хемодинамски монитори. Апарати набевени у рамикох медзинародного проєкту „Стратифай ХФ”, хтори финансовала Европска уния.