„Бал” на нашим Ют’юб каналу

автор Заградка
259 Опатрене

На нашим Ют’юб каналу Ruske slovo za dzeci обявени нови видео – виривок зоз представи за дзеци „Бал”, автора Сашу Палєнкаша.

Скрацени текст представи, хтори обявени и у даскелїх прешлих числох „Заградки”, пречитали ґлумици зоз представи, а то Мая Надь (принцеза), Ксения Катрина (ангел), Валентина Гарди (дябол), Яна Варґа (кралїца и мац) и Андрей Орос (наратор), а текст провадза фотоґрафиї зоз премиєри и репризи, як и илустрациї.

Представа „Бал” премиєрно виведзена у самостойней продукциї у децембру прешлого року на Драмским мемориялу Петра Ризнича Дядї у Руским Керестуре, у режиї Адриани Надь Барна, а прешлого штвартку, 27. априла, участвовали на Зонскей смотри театралней творчосци за дзеци у Кули.

На нашим Ют’юб каналу мож патриц и други змисти за дзеци зоз „Заградки”, як и анимациї сликовнїцох „Кухня”, „Фарби”, „Родзини”, „Карусел” итд.

Же бисце провадзели новосци на нашим каналу, потребне кликнуц на Subscribe.

ПОВЯЗАНИ ТЕКСТИ