ЯВНА МЕДИЙСКА УСТАНОВА ВОЙВОДИНИ „РАДИО-ТЕЛЕВИЗИЯ ВОЙВОДИНИ” (ЯМУ)

Обявює

КОНКУРС ЗА ФЕСТИВАЛ „РУЖОВА ЗАГРАДКА 2016”

Условия конкурса:

1. Право участвовац на конкурсу за нови руски народни шпиванки маю шицки заинтересовани особи (композиторе и текстописателє) державянє Републики Сербиї и странски державянє, з тим же иста особа може буц коавтор найвецей 2 (двох) шпиванкох. На конкурсу нє можу участвовац члени конкурсней комисиї и инши особи котри участвую у пририхтованю и орґанизациї (продуценти, орґанизаторе …).
2. Шпиванки котри ше посилаю на конкурс нє шму буц уж виводзени або обявйовани, и муша буц у духу рускей народней музики. Дошлєбодзена приява шпиванкох котри компоновани на иснуюци текст, т.є. на уж обявени твор з обласци поезиї, под условийом же автор текста, односно нашлїднїки дали согласносц и же исти текст нє хасновани за компонованє и обявйованє музичних творох.
3. Приява на конкурс посила ше по пошти або особнє на адресу:

ЯВНА МЕДИЙСКА УСТАНОВА ВОЙВОДИНИ

„РАДИО-ТЕЛЕВИЗИЯ ВОЙВОДИНИ”

Радио Нови Сад –  за Фестивал „Ружова заградка 2016”

НЄ ОТВЕРАЦ

Улїца Иґнята Павласа 3

21000 Нови Сад

Приява ше состої зоз двох ковертох (означена як: Коверта 1 и Коверта 2) у котрих муши буц шлїдуюце:

– Коверта 1 – Нотни запис композициї и текст на руским язику ( у трох прикладнїкох) под шифру.

– Коверта 2 – Ришенє шифри, зоз податками коавторох (композитор и текстописатель):

1. Мено и презвиско,
2. Адреса,
3. Контакт телефон и е-маил.

Подношитель прияви одвитує за точносц податкох о писнї и коавторох.

У случаю же ше хаснує текст уж обявеного твора з обласци поезиї, доручую ше податки автора текста и согласносц за хаснованє текста за компонованє музичного твора.

У случаю же ше хаснує текст покойного автора текста, доручую ше податки нашлїднїкох автора и согласносц за хаснованє текста за компонованє музичного твора.

4. Конкурс отворени од дня обявйованя на web sajtu: www.rtv.rs и у тижньових новинох „Руске слово” по 31. децембер 2015-ого року.

Прияви котри сцигню по завераню конкурса (01. януара 2016. року и познєйше) ше нє буду розпатрац.

5. Прияви котри сцигню на конкурс ше нє врацаю. Подношитель прияви нє ма право поцагнуц приявени писнї.
6. Зоз приявох котри сцигню Комисия, менована з боку ЯМУ, вибера 16 писнї котри буду виведзени на фестивалу. Кед же Комисия констатує же нєт достаточне число квалитетних композицийох, можлїве отримованє Фестивала и зоз меншим числом вибраних нумерох. Зоз коавторами писньох котри буду вибрани ЯМУ – орґанизатор Фестивала заключую контракти. У случаю хаснованя уж обявеного текста/твора з обласци поезиї контракт подписує автор текста, односно нашлїднїки автора текста.
7. Шицки вибрани писнї буду ше виводзиц у провадзеню Народного оркеста (НО) ЯМУ, у аранжманох за НО. Аранжерох виключно вибера Музична комисия ЯМУ. Подношитель прияви, односно композитор текстописатель можу у прияви предложиц вокалного солисту за писню за котру подноша прияву. Одлуку о вокалному солистови приноши Комисия.
8. Зоз посиланьом прияви на конкурс, подношитель прияви (композитор и текстописатель) дава согласносц же би ше вибрани писнї по перши раз явно виведли на Фестивалу, преношели/емитовали на програми РНС и ТВВ зоз шицкима познатима модалитетами емитованя, зазначовали, умножовали и кладли до обтоку без огляду на способ умножованя и кладзеня до обтоку, знїмали на ношач звука, односно слики и звука, умножовали и кладли до обтоку без огранїченя у поглядзе числа прикладнїкох. Согласносц ше дава на доручени писнї и вименєни писнї и преробени з аранжманами за потреби ЯМУ. Права ше преноша виключно як предметни, часово, просторно и по чишлє без огранїченя. ЯМУ ма право наведзени права пренєсц на трецу особу без окремней согласносци коавтора. ЯМУ заключує контракт зоз коавторами вибраних писньох.

Надополнєня за коавоторх виноша:

– музика: 4.500,00  динари нето,

– текст:    2.500,00 динари нето

– аранжман: 4.500,00 динари нето.

9. Фестивал ше отрима 6. марца 2016. року. Кед же придзе до вименкох, од точним датуме и термину учаснїки буду благочасово информовани.
10. Награди котри ше додзелюю на Фестивалу то Награди жирия и публики у пенєжней суми и то:

I Награда жирия за автора музики (музику/композицию):       20.000,00 динари нето.

II Награда жирия за автора музики (музику/композицию):       10.000,00 динари нето.

III Награда жирия за автора музики (музику/композицию):       5.000,00 динари нето.

Награда жирия за аранжман: 10.000,00 динари нето.

Награда жирия за текст: 10.000,00 динари нето.

Награда жирия за интерпретацию: 10.000,00 динари нето.

Награда публики: 10.000,00 динари нето.

Награда публики ше додзелює за писню, а дзеля ю на єднаки часци автор музики, текстописатель, аранжер и интерпретатор.

Награди жирия ше доставаю у зависносци од достатих бодох. Члени жирия додзелюю боди (од 1 до 15), окреме за музику, текст, аранжман и интерпретацию. Награду достава коавтор писнї, односно интерпретатор зоз найвецей освоєнима бодами у случаю награди за музику/композицию першох трох коавторох.

Публика гласа писано (на окремним гласацким лїстку), односно публика котра провадзи директни пренос (слухаче и патраче) гласа на телефон, прейґ СМС-а, або прейґ интернета. Награду достава писня котра достанє найвецей гласи.

11. Шицки дополнююци информациї и обвисценя можеце достац:

– на телефон:  021/525-492,

– прейґ и-мейла: rusinska.radio@rtv.rs