КОЦУР – Позарядово парламентарни виберанки у Коцуре на шицких виберацких местох ше приводза ґу концу, и по словох предсидательох виберацких одборох, гласанє потераз було без проблемох.
На виберацким месце 27 у правим голу Основней школи „Братство єдинство” по 19 годзин гласали 602 гласаче од вкупно 834, односно 72 одсто, а у Малей сали Месней заєднїци на виберацким месце 28 гласали 596 од вкупно 865 гласачох, односно 69 одсто. На виберацким месце 29 у лївим голу Основней школи по 19 годзин гласали 633 од вкупно 800 гласачох, односно 79 одсто, а у Велькей сали Месней заєднїци на виберацким месце 30 гласали 624 од 899 гласачох, односно 69 одсто.
Од вкупно 3398 гласачох уписаних до виберацкого списку, до 19 годзин гласали 2455 гласаче, односно 72 одсто Коцурцох.
И у вечарших годзинох на улїчкох ше находзело векше число людзох.
По информацийох Општинскей виберанковей комисиї, на уровню цалей вербаскей општини по 18 годзин зазначена виходносц од 73,4 одсто.
