РУСКИ КЕРЕСТУР – У Руским Керестуре право гласа на позарядових Парламентарних виберанкох, хтори ше отримую нєшка, на штирох виберацких местох маю 3667 валалчанє, а тото право по 19 годзин вихасновали 2559 особи.
По 19 годзин на виберацким месце число 34 у просторийох Ловарского дружтва Яребица од 1004 приявених гласали 684 особи, цо коло 68 одсто.
На виберацким месце число 35 у Пензионерским доме од 798 приявених гласали 568 особи, цо коло 71 одсто.
На виберацким месце число 36 у просторийох ЯКП Руском од 911 приявених гласали 630, цо коло 69 одсто.
На виберацким месце число 37 у просторийох Замку од 954 приявених гласали 677, цо коло 71 одсто.
Як визначели на шицких виберацких местох, у пополадньових годзинох було вельо менєй гласачох як пред поладньом, а нєправилносци нє було.