ВЕРБАС – У Городски музею у Вербаше пондзелок, 3. априла, отворена Вельконоцна вистава Активу женох Першей Месней заєднїци Стари Вербас и женох з мадярского КУД „Сирмаи Кароль“.
На вистави виложени ручни роботи з паперу и платна, ткани и вишивани часци ґардероби и предмети за обисце вязани з Вельку ноцу, а за госцох пририхтани и домашнї традицийни єдла.
На дзень отвераня вистави за дзеци з оводи и школи отримана роботня у прикрашованю вайцох и правеню предметох з тему Велькей ноци.
Єдна з членїцох Активу женох Першей Месней заєднїци Стари Вербас Лїляна Горняк визначела добре сотруднїцтво зоз женми з КУД „Сирмаи Кароль“, а понеже того року Велька ноц на исти дзень за шицких християнох, заєднїцка робота двох здруженьох оможлївела богату и нащивену виставу.
Вистава у Городским музею будзе по 7. април, а кажди дзень ю мож опатриц од 8 до 15 годзин.