РУСКИ КЕРЕСТУР – Мини водицов камп почал соботу пополданю 19. септембра, а на нїм участвовали 40 дзеци дзеци. Орґанизовани є за дзеци нїзших класох основней школи. Помагали волонтере Каритасу, пребуванє и костиранє финсовали Каритас Руски Керестур и Парохия св. о. Миколая зоз Керестура. Як и на кампу за страши дзеци, так и на тим за младши возрости, дзивчата спали у Водици, хлапци у Каритасу. О пририхтованю єдзеня, шицким цо провадзи активносци коло орґанизованя ше остарали волонтере Каритасу и млади хтори активни у тей орґанизациї.
Внєдзелю, 20. септембра на полдванастовей Служби Божей у Водици були присутни 40 школяре цо були на Мини водицовим кампу, на автобусу и зоз родичами на автох пришли и 64 дзеци зоз Коцура, були досц школяре зоз Керестура и шицки ше на школярскей Служби Божей модєли за Божи благослов на початку нового школского року. Службу Божу Служели о. Владимир Медєши и о. Михайло Шанта, а споведал о. Владислав Варґа. Зоз дзецми зоз Коцура була и вироучителька Ксения Бесерминї.
