НОВИ САД – Порядна 9. схадзку Одбору за службене хаснованє язика и писма будзе отрима нєшка, 22. септембра з початком на 17:30 г. у Новим Садзе, у просторийох Завода за културу войводянских Руснацох, на адреси Матици сербскей 15.
На дньовим шоре буду шлїдуюци точки: информациї предсидателя Одбора за службене хаснованє язика и писма о активносцох медзи двома схадзками, уписованє до Окремного виберацкого списку за виберанки за нове зволанє НСРНМ, предклад текста хтори ше одноши на Одбор за службене хаснованє язика и писма НСРНМ у новей Националней стратеґиї Рускиньох/Руснацох (2026-2031), конципованє Словнїка правней терминолоґиї и Националней читанки, и орґанизованє терминолоґийно-правописного округлого стола пре проблеми на виробку фахових словнїкох (фармаколоґийного, ґеоґрафского, хемийного, психолоґийного и др.).