ВЕРБАС – До центру Вербасу вовторок, 22. септембра, сцигли стиденти бициґлисти котри до кампанї на бициґлох рушели ширцом Сербиї у сиверней и южней рути, а котри участвую у акциї Чуваре уставу у рамикох предвиберанковей кампанї Студентскей лїстини – Студенти победзую.
Числени гражданє их дочекали зоз червеним тепихом, аплаузом и овациями, кричаньом Пумпуй, а порихтали за нїх и ошвиженє. Сход бул провадзени зоз державнима заставами и транспарентами Студенти победзую.
После прейдзених вецей як сто километери, бициґлисти ше поздравяли зоз присутнима, бешедовали, а вєдно провадзени з музику гармоники затанцовали и коло у самим центру городу.
Визначене же акция Чуваре уставу орґанизована же би ше послало порученє же Устав муши буц єднаки за шицких и на каждим месце, а орґанизаторе гуторели стихи писнї написаней на чесц тим котри настрадали при спаднуцу стрехи на Гайзибанскей станїци у Новим Садзе.
После павзи у Вербаше, студенти бициґлисти предлужели свою драгу ґу шлїдуюцей дестинациї.