РУСКИ КЕРЕСТУР – Рукометни клуб Русин, и того року, по другираз, орґанизує змаганє у вареню пасулї – Пасулїяду, хтора будзе отримана на соботу 26. септембра, на керестурским базену.
Котизация за змаганє виноши 5.000 динари, орґанизаторе обезпеча пасулю, месо и хлєб, а учашнїки треба же би зоз собу принєсли прибор за єдло и фляшу зоз бутаном або древа, як и присмачки.
Вецей информациї о змаганю мож достац при Сабини Планчаковей на число 064/27-92-904 або при Борисови на число 060/338-82-62.
Як наявюю орґанизаторе, нащивителє годни и купиц уварену пасулю, по цени од 300 динари за порцию, хтора ше будзе предавац коло 17 годзин, а заробени средства Рукометни клуб похаснує за одходи на змаганя и други клубски трошки.
Першим тром найлєпшим екипом обезпечени и награди, а змаганє почнє на 13 годзин.