РУСКИ КЕРЕСТУР – У Керестуре Нови рок дочековани на вецей местох, алє векшина тих цо славели ше зишли у центру валала же би з музику и красним огньометом випровадзели стари и дочекали нови 2018. рок.
Коло 23 годзин ше у центру валала почало пущац музику, а точно на полноци бул виштрелєни красни ватромет. Тоту хвильку означела сирена з Огньогасного дому и церковни дзвони, а у церкви бул орґанизовани новорочни молебен.
Орґанизовани дочек з музику и реприза дочеку було лєм у погосцительним обєкту „Лонґов”. За дочек и репризу ресторан „Червена ружа” робел порядно, алє без живей музики и зоз скраценим єдловнїком.
Млади Нови рок, а тиж и репризу, могли преславиц у дискотеки „Амадеус”.