ВЕРБАС – Жири 49. Фестивалу поезиї младих, хторому на чолє Перо Зубац, вибрал дзешец младих поетох котри буду участвовац у финалу того реґионалного фестивалу.
На конкурс сцигли роботи 130 младих поетох, а до финалу вибрани Александер Ґабона з Нового Саду, Радован Синдєелич з Боґатичу, Антонио Карлович зоз Заґребу, Миляна Орашанин з Баня Луки, Тамара Крстич зоз Зомбора, Милан Веселица з Кули, Шимон Субота з Беоґраду, Петар Ракочевич з Подґорици, Амина Хрнчич з Маґлаю и Душица Мрдєнович з Приґревици. Вербаскей публики ше представя на закончуюцим вечаре Фестивалу.
Фестивал будзе у остатнїм тижню мая, будзе мац и даскельо провадзаци манифестациї, а на финалним вечаре будзе преглашени побиднїк, котри за награду достанє друкованє збирки поезиї.