МИКЛОШЕВЦИ (ГОРВАТСКА) – На пияток и соботу, 25. и 26. септембра, отрима ше 41. по шоре Културна манифестация Миклошевци 2026.
Пияток, 25. септембра програма почнє на 18.45 годзин зоз виставу ручних роботох Зоз бабовей лади у Доме култури. Потим на 19 годзин заплановани Вечар приятельства, шпиванки и танцу у хторим буду участвовац домашнє КУД Яким Ґовля и госци зоз КУД Яким Гарди Петровци. По законченей програми, на 20.30 годзин будзе вечера зоз друженьом.
Соботу, 26. септембера, отрима ше културно-уметнїцка програма Поздрав ровнїни зоз початком на 15 годзин на отвореней бини у центру валала. Участвовац буду културни дружтва Союзу Русинох Републики Горватскей (РГ), а госцуюци дружтва буду КУД Чаковци Чаковци и КПД Иван Котляревски Бикич Дол.
Орґанизатор Културней манифестациї Миклошевци 2026. КУД Яким Ґовля Миклошевци, а под покровительством Совиту за национални меншири РГ и сопокровительством Општини Томповци и Союзу Русинох РГ.