НОВИ САД – У найновшим, трицец дзевятим чишлє новинох Руске слово на бокох Тижновнїк вистка з Министерства за людски и меншински права и дружтвени диялоґ о розписованю виберанкох за Национални совити националних заєднїцох.
Представнїки Националного совиту рускей националней меншини були у русийскей амбасади.
На бокох Нашо места вецей теми: у Вербаше отримана XII схадзка локалного парламенту, у Кули отримани Фестивал фолклорних традицийох „Панонски вашар”, а фолклорна ґрупа ветеранох Руского културного центра з Нового Саду була у Речици.
Єдна з темох на бокох Економиї то и штиродньова манифестация у Кикинди – „Днї лудаї”.
У рубрики Култура и просвита вецей о пребуваню керестурских школярох у Швайцарскей, а у Коцуре отримани литературни вечар дзе представена кнїжка „Пируета” Звонка Сабола. Осма по шоре Подобова колония „Еуфемия Гарди” отримана у Руским Керестуре.
У наших новинох на бокох Людзе, роки, живот зазначена репортажа, а госц Дюра Сендерак зоз Нового Саду.
У рубрики Дружтво 12. предлуженє фельтону кнїжки „Як гуторя нашо дїдове – швет бул давно иншаки”.
Боки Духовного живота у тим чишлє пошвецени преславеним Кирбаю у Дюрдьове, як и отриманим Водицовим кампу.
На бокох Спорту зазначени успих Ани Рамач зоз Дюрдьова, хтора на державним першенстве у весланю освоєла златну медалю, а попровадзене и змаганє у лапаню чуки у Руским Керестуре. Деталї зоз змаганьох вше актуалного фодбалу, и як прешли фодбалере по нашох местох у викенду за нами преношиме и у тим чишлє.
Додаток – Литературне слово, а у нїм драмски текст и поезия.
У остатнїм тижню у септембру на бокох наших новинох и Крижалька.
И на концу, у рубрику Хладок и горуци тепши два рецепти познатих єдлох на кус иншаки способ – рибового паприґашу и ґулашу.