КОЦУР – Означованє швета Велькей Матки Божей, односно Кирбаю, у Коцуре почало вчера, внєдзелю 27. авґуста, зоз означованьом рочнїци пошвецаня о. Владимира Мудрого, а нєшка, на дзень Кирбаю, Службу будзе служиц владика Кир Георгий Джуджар.
У церкви Успения Пресвятей Богородици вчера служена Архиєрейска Служба Божа на чесц 45-рочнїци пошвецаня митрофорного протопрезвитера о. Владимира Мудрого котри зоз Коцура, алє жиє у Канади. Вчера, на 19 годзин, було и кирбайске всеночне.
Нєшка, 28. авґуста, Велька Служба Божа, котру будзе служиц владика Кир Георгий Джуджар у сослуженю наших паноцох и госцох, почнє на 10 годзин.
Грекокатолїцка и православна церква и вирни у Коцуре вєдно означую швето Кирбай, а як и прешлих рокох, буду дочековац госцох у своїх обисцох, а на центру валала будзе вашарска часц и забава за дзеци.