КОЦУР – Вчера, 25. януара, у Основней школи „Братство єдинство“ у Коцуре, Мелания Римар отримала промоцию кнїжки народних писньох „Когуцик ярабик“ котри писателька сама позберала, и на тот завод их представела школяром руских оддзелєньох од першей по шесту класу.
Школяре на промоциї читали народни писнї зоз „Когуцика ярабика“ и одшпивали писню „Зламала ше кормань-деска“.
На концу промоциї Мелания Римар дзецом представела и найновше число Часопису за дзеци „Заградка“, а найактивнєйших младих дописовательох наградзела зоз пригоднима дарунками.
