НОВИ САД – На Трецей програми радия Радио-телевизиї Войводини на програми по руски ютре, на нєдзелю, 27. септембра, на 7 годзин рано годно послухац Емисию за валал, а на 12:30 г емисию Културна панорама.
У найновшей ”Емисиї за валал”, будзе слова о продукциї малинох у Дюрдьове, о тогорочним квалитету урожаю польодїлских културох, як и о заградкарских роботох у мешацу пред нами. Тиж так годно послухац и о тим як ше дакеди правело кочи за конї. У емисиї тиж годно чуц найновши висти зоз польопривреди, проґнозу хвилї за наиходзаци тидзень, як и цени польопривредних продуктох на новосадских пияцох.
Емисия за валал на програми кажду нєдзелю на 7 годзин рано и репризно стреду на 21:30 годзин, на УКТ габох радия РТВ на 92, 100 и 107,1 мгг, а мож ю послухац и на одложеним слуханю на сайту Радио-телевизиї Войводини. Емисию пририхтую Михаил Рамач и Весна Медєши.
Потим, на 12:30 годзин у найновшей емисиї Културна панорама годно послухац звити зоз двох литературних стретнуцох котри отримани у Коцуре и Дюрдьове, як и звит зоз нєдавно отриманого “Панонского вашару” котри отримани у Кули. Редакторка и водителька емисиї Саня Дивлякович.
Емисию Културна панорама ше емитує кажду нєдзелю на 12:30 г и репризно на 23:00 г, а мож ю послухац на УКТ габох радия РТВ на 92, 100 и 107,1 мгг, и на одложеним слуханю на сайту Радио-телевизиї Войводини.