НОВИ САД – На Квитну нєдзелю, Богослуженя у церкви св. апостолох Петра и Павла у Новим Садзе служел парох о. Юлиян Рац, хтори и пошвецел багнїтки, а вирни их потим однєсли до своїх обисцох.
– Поучне за нас же на квитну нєдзелю з истих устох людзе славели Исуса Христа и одушевйовали ше з нїм, а нєодлуго го преклїнали и сцели розопяц – гварел у казанї парох о. Рац. – Дзепоєдни го и сановали. Апостоли були збунєти алє, заш лєм, познєйше их вира отримала же би були витирвали. Лєм Юда нє мал виру, бо бул навязани на пенєж.
По парохових словох, нє муши ше нєшка буц священїк лєбо монахиня же би ше християнски церпело и славело Господа, а цо потребне у швеце, у своїм околїску, алє и дома.