ВЕРБАС – Шицким своїм длужнїком ЯКП „Комуналєц” Вербас понука можлївосц же би по 30. юний направели спорозуменє о виплацованю длуства на рати, а спрам файти длуства направени три катеґориї – порядни длуства за комунални услуги, длуства хтори настали пре гавариї на инсталацийох и длуства за утвердзене нєлеґалне трошенє води.
Длуства за порядни комунални услуги од 20 000 до 30 000 динари гражданє годни вимириц у штирох мешачних ратох. Длуства од 30 000 до 50 000 годно вимириц на осем рати, а длуства понад 50 000 динари найвецей на 12 мешачни рати.
За тих котри маю длуство пре одредзени гавариї, за длуства од 10 000 до 40 000 динари понукнуте плаценє у штирох ратох, за длуства од 40 000 до 80 000 на 10 рати, а за длуства векши од 80 000 дин. на 12 мешачни рати.
За длуство пре нєлеґалне хаснованє води одредзена можлївосц плаценя на шейсц мешачни рати за тих котри маю до 100 000 динари, а за длуства векши од тей суми на 12 мешачни рати.
Шицки гражданє котри подпишу спорозуменє о плаценю длуства на рати и далєй обовязни поряднє вимирйовац свойо мешачни рахунки за комунални услуги.