БЕОҐРАД – Школяре пиятих класох ОШ убудуце буду мац два годзини физичного и здравственого воспитаня и годзину и пол спортски активносци, преноши Танюґ информацию зоз Заводу за унапредзенє образованя и воспитаня, хтори вирабя предлог наставного плану и програми. Спортски активносци ше нє будзе окреме оценьовац, алє буду уплївовац на оцену з физичного и здравственого воспитаня.
У рамикох физичного воспитаня будзе уведзене и здравствене образованє, а предмет ше будзе волац физичне и здравствене воспитанє. На тим предмету ше будзе учиц о здравих способох живота, о правилним и здравим костираню. Репродуктивне здравє нє уходзи до того предмету, понеже ше о нїм будзе учиц у рамикох биолоґиї.
Новосц и же школяре убудуце нє годни буц ошлєбодзени од физичного, а тоти котри пре хороту нє можу вежбац, буду робиц презентациї, лєбо на иншаки способ буду участвовац на годзинох.