РУСКИ КЕРЕСТУР – Школяре од першей по трецу класу ОШ „Петро Кузмяк”, вовторок, 11. априла, у Велькей сали Дому кутури у Руским Керестуре патрели едукативну представу о безпечносци у транспорту „Пажлївково правила у транспорту”.
Представа свойофайтове предлуженє едукациї о транспорту хтору орґанизую Републична аґенция за безпечносц у транспорту, Совит за безпечносц транспорту Општини Кула и Здруженє гражданох „Родитель”.
Главни юнак у представи „Пажлївко” ше притримує шицких транспортних правилох и дзеци през бависко и шпиванки учи о правилному справованю у транспорту и транспортних правилох. Спомнута представа часц длугорочней кампанї „Меркуй тераз”, обдуманей за едукацию дзецох, родичох, наставнїкох и вожачох.