РУСКИ КЕРЕСТУР – У добродзечней акциї даваня креви, хтора вчера орґанизована у трох местох кулскей општини – Липару, Руским Керестуре и Крущичу, одволали ше 63-йо давателє, а найвецей – 41, их було з Керестура.
Акцию по новим закону першираз орґанизовал Червени криж Кула у сотруднїцтве зоз Заводом за трансфузию креви з Нового Саду, место потерашнїх орґанизаторох – Служби за трансфузию Общого шпиталю Вербас. Пременєне и место отримованя акциї, та ше крев давало нє у Здравственей амбуланти, алє у просторийох Дому култури.
Як виявела координаторка Акциї з Червеного крижу Кула Неда Раячич, акция була барз удатна, бо ше наисце одволало вельке число стаємних добродзечних давательох у спомнутих местох, а поготов у Керестуре дзе медзи давателями рижних ґенерацийох, були аж 8 жени.
У кулскей општини з акцию уж бул облапени Сивец, у Кули ма буц 1., а у Червинки 15. марца, а акциї буду плановани и наступних мешацох.