НОВИ САД – У найновшим, 33. чишлє новинох Руске слово на бокох Тижновнїк напис о проєкту за котри Завод за културу войводянских Руснацох достал средства по конкурсу зоз Буджетского фонду за национални меншини.
На бокох Нашо места вецей теми: як у Новим Орахове орґанизоване медзинародне Стретнуце рускей младежи, премиєр републики Сербиї проф. др Дюро Мацут нащивел Шид, а ректор Универзитету у Беоґрадзе проф др Владан Дьокич нащивел Вербас.
Єдна з темох на бокох Економия то и стан на тарґовищу нєрухомосцох – хто нєшка може купиц квартель у Новим Садзе.
У рубрики Култура и просвита представени Иван Фейди з Руского Керестура и Лана Вулич з Миклошевцох, побиднїки змаганя за найкрасши глас на тогорочней 65. Червеней ружи. Наталия Будински з Руского Керестура участвовала на медзинародней конференциї у Нюйорку.
У новинох на бокох Людзе, роки, живот зазначена и репортажа, а госц Пишта Горват зоз Нового Орахова. У рубрики Дружтво шесте предлуженє фельтону зоз кнїжки Як гуторя нашо дїдове – швет бул давно иншаки.
Духовни живот у тим чишлє богати зоз темами, а єдна з нїх то нєдавно отримани Водицов камп. У истей рурики и статя о виронауки у Сриме.
На бокох Спорт вше актуални фодбал и стретнуца пред початком новей сезони, а у Руским Керестуре закончени ище єден турнир. Отримани и гуманитарни турнир у одбойки на писку.
У тим чишлє и два додатки. У Мозаїку представени Джои ДиПалма, тексашски Руснак, док у рубрики Руснаци у швеце годно дознац вецей о першим знятим филму на руским язику Потопа зоз Словацкей.
И на концу на боку Хладок и горуци тепши предклад за єдно лєтне французке єдзенє.