БЕОҐРАД – Компания „Лидл Сербия” обявела же нєшка розпише конкурс за приєм вецей як 1 000 тарґовцох у вецей городох шицом Сербиї.
„Лидл” оперативне дїлованє почнє того року источасно отвераюци помедзи 10 и 20 предавальнї, гварене у сообщеню тей компаниї.
„Лидл” розпише конкурс за роботни места у Беоґрадзе, Бору, Индїї, Лесковцу, Нишу, Новим Садзе, Яґодини, Кикинди, Краґуєвцу, Крушевцу, Панчеву, Смедереву, Зомборе, Суботици, Шабцу, Ужицу, Вершцу и Зренянину.
Попри Беоґраду, дзе плановане прияц коло 300 роботнїкох, „Лидл” у каждим зоз спомнутих городох приме вецей як 40 тарґовцох.
Зоз компаниї наявюю же будуцим колеґом понукню конкурентни роботни условия, у поглядзе плацох и роботного окруженя. Тарґовци у „Лидл” буду мац пейцдньови роботни тидзень, а електронска евиденция роботного часу оможлївює виплацованє прейґчасовей роботи по системи „ будзе виплацена кажда минута”, визначує ше у сообщеню.
Заинтересовани за роботу у „Лидл” можу ше приявиц прейґ сайт https://karijera.lidl.rs.
Потребне же би мали найменєй стредню фахову приготовку, a искуство у роботи зоз купцами предносц, алє нє и обовязуюце условиє.