КУЛА – Явне лицитованє польопривредней жеми у державней власносци за бранє под аренду у кулскей општини будзе 10, 11. и 13. марца, у Велькей сали Скупштини општини Кула.
Шицки заинтересовани за бранє державней жеми под аренду прияви маю доручиц найпознєйше по 9. марец (штварток) до 14 годзин, а явну поволанку за лицитованє, потребни формулари и други документи мож видзиц и превжац зоз сайту Општини Кула, лєбо кажди роботни дзень у канцелариї ч. 105 у будинку Општини (на першим поверху).
Лицитованє державней жеми 10. марца будзе за катастерски општини Липар и Кула, 11. марца за катастерски општини Руски Керестур, Крущич и Червинка, а 13. марца за катастерску општину Сивец. Депозит за участвованє на лицитованю 20 одсто початней цени за аренду, а шицки спомнути лицитованя почню на 9 годзин.
Жем ше под аренду дава на рок, односно за продукцийни 2016/17. рок.