БЕОҐРАД – Национални служба за обезпечованє роботи сообщела же орґанизує атрактивни обуки котри обезпеча нєобходни знаня за роботу у секторе информацийних технолоґийох.
Даєдни з програмох за котри будзе обезпечена обука то Ява програмованє, виробок веб апликацийох, ПХП и Нет програмованє.
Плановани обуки у 10 городох у Сербиї, до котрих од септембра буду уключени 775 особи. Прияви буду отворени на сайту: www.itobuke.rs, од 9. по 22. юлий.
Приявиц ше можу кандидати на евиденциї за нєзанятих, котри маю штиророчну школу, знаю робиц на рахункару и анґлийски язик на А2 уровню.