БАЧКА ПАЛАНКА – На тогорочним 15. Фестивалу войводянскей тамбури, хтори отримани 14. марца у Бачкей Паланки, одлични були тамбураше Иґор Папуґа, Матей Катрина и Виктор Хрин котри як школяре керестурского оддзелєня Школи за основне музичне образованє з Кули, у класи наставнїци Гелени Гарвильчак, освоєли перши места у своїх катеґорийох.
По числу освоєних бодох Иґор Папуґа, школяр пиятей класи на тамбури прим, зоз 94-ма бодами освоєл I-3 место у своєй катеґориї, Матей Катрина, школяр шейстей класи на тамбури басприм, посцигнул 95,67 боди хтори му принєсли I-4 место, док Виктор Хрин, школяр шестей класи на тамбури прим, на змаганю освоєл 94,67 боди и I-6 место. На змаганю шицких провадзела корепеторирка зоз ШОМО Ева Епер.
Змаганє було у трох катеґорийох – солисти, камерни состави и оркестри, а змагали ше школяре зоз 13 основних и штреднїх войводянских музичних школох.