ЖАБЕЛЬ – Концом прешлого мешаца у будинку Општини Жабель представнїки општини уручели двацец три контракти жительом котри витворели право на субвеционованє мирох енерґетскей ефикасносци санациї фамилийней хижи.
Средства наменєни за мири з котрима ше злєпша енерґетска ефикасносц квартельних обєктох, зменша трошенє енерґиї и трошки ґаздовства. Зоз реализацию мирох хаснователє достаню квалитетнєйши и економичнєйши условия за пребуванє у своїм обисцу, з чим ше доприноши витворйованю цильох з обласци енерґетскей ефикасносци и защити животного штредку.