ДЮРДЬОВ – Прешлей нєдзелї, 26. марца, у рамикох Спортских бавискох „Яша Баков” у Дюрдьове отримани други тогорочни турнир – у кошарки „3 на 3”, на хторим участвовали осем екипи – „Петровци” з Петровцох ( з Горватскей), ФК „Искра” з Коцура, РКЦ з Нового Саду, КУД „Драґутин Колєсар” з Бачинцох, СД „Русин” з Руского Керестура, „Папивинґ” з Вербасу и домашнї КУД „Тарас Шевченко”, хтори мал два екипи.
Бавело ше у двох ґрупох, змаганя тирвали по 15 минути, а до финалу ше пласовали обидва екипи домашнїх, Вербащанє и Керестурци.
Перше место освоєла екипа КУД „Тарас Шевченко 1”, друге„Папивинґ” з Вербасу, треце КУД „Тарас Шевченко 2”, а штварте СД „Русин”.
Пияте место завжала екипа КУД „Драґутин Драґен Колєсар” з Бачинцох, 6. Руски Културни Центер з Нового Саду, 7. ФК „Искра” з Коцура. а 8. место „Петровци” з Петровцох.
За побиднїцку, екипу КУД „Тарас Шевченко 1” бавели Никола Шовлянски, Филип Костич и Марко Радишич.