Наташа Макаї Мудрох предсидателька Роботного цела за родну ровноправносц

автор бва
984 Опатрене

НОВИ САД – У Руским културним центру у Новим Садзе пияток, 13. октобра, отримана схадзка на хторей конституоване Роботне цело за родну ровноправносц Националного совиту (НС) Руснацох.

Спомедзи дзевец членох того цела за предсидательку вибрана Наташа Макаї Мудрох.

На схадзки дополнєни Дїловнїк о роботи Роботного цела и розправене о його наступних активносцох. Порадзене же би ше План роботи порихтало по початок новембра, кеди би ше требала отримац шлїдуюца схадзка.

Спред Националного совиту на конституованю того цела були предсидатель Вивершного одбору Желько Ковач и секретар Националного совиту Таня Арва Планчак.

Роботне цело за родну ровноправносц – то штварте таке цело у рамикох Националного совиту Руснацох, попри вельо скорей конституованих Роботних целох за спорт, младеж и науку.

Одлука о снованю Роботного цела за родну ровноправносц принєшена на схадзки Националного совиту у новембру 2016. року, а його члени меновани на схадзки НС отриманей 7. марца того року.

Члени Роботного цела родну ровноправносц (НС) Руснацох: Наташа Макаї Мудрох, Ивана Дудаш, Анита Ґовля, Єлена Перкович, Блажена Хома Цветкович, Александра Колбас, Елемир Джуджар, Александар Човс и Борис Фейди.

 WP_20171013_11_22_59_Smart

ПОВЯЗАНИ ТЕКСТИ