НОВИ САД – Всоботу, 26. мая, на Площи Шлєбоди у Новим Садзе, на Фестивалу националних кухньох „Фуд планет” представела ше Україна.
Присутних у мено Амбасади України у Сербиї привиталa Наталия Маркевич и визначела же є окреме подзековна же може спред амбасади України и Союзу Руснацох Українцох Сербиї Новосадяном понукнуц национални єдла. На Площи шлєбоди нащивителє могли покоштовац вареники зоз кромплями, гречку и сладки покераї – пляцки и вергуни.
У уметнїцкей часци програми участвовали КУД „Калина” зоз Индїї и вокална солистка Ана Римар Симунович.
Други Фестивал националних кухньох „Данубиус Фуд планет”, тирва од 11. мая по 3. юний, а зоз традицийнима єдлами, музику и културу того року представя ше 23 держави. Кажди дзень од 18 годзин мож коштовац национални єдла з держави хтора наступа того дня.
