ВЕРБАС – Вчера, 21. марца, у Ґалериї Културного центру у Вербаше отворени тогорочни Ярнї подобови салон Здруженя подобових уметнїкох Вербасу (ЗПУВ).
На Салонє представени 37 подобово роботи, а додзелєни шейсц награди. Главну награду Салону достала Тамара Пернович, награду за малярство достал Петар Шушулич, награду за скулпторство Блаґоє Орбович, а награду за найлєпшу фотоґрафию достал Борис Барановски. Два специялнии награди достали Радомир Ґлушац и Никола Баничевич.
На тогорочним Салонє зоз своїма роботами участвую и нашо подобово уметнїки – Лидия Барна з Кули з мозаиком и Силвестер и Серафина Макайово з малюнками. Свойо роботи представяю и члени КПД „Карпати“ Борис Биленький и наградзени Барановски.
Традицийни Ярнї подобови салон представя шейсцмешачну ретроспективу роботи членох ЗПУВ, а вистава у рамикох Салону тирва три тижнї.