На нєдзелю святи Миколай обидзе вецей нашо парохиї

автор ядю, фото вев
809 Опатрене

ЕПАРХИЯ СВ. МИКОЛАЯ У РУСКИМ КЕРЕСТУРЕ – На нєдзелю, 16. децембра, вецей парохиї обидзе св. Миколай и подзелї дзецом пакецики, док до Коцура сцигнє на вовторок, 18. децембра, и до Бачинцох 23. децембра.

У Новим Садзе св. Миколай дзецом подзелї пакецики на нєдзелю, 16. децембра, после вечаршей Служби Божей, котра почина на 18 годзин.

У Старим Вербаше дзецом буду подзелєни пакецики после Служби Божей на 10 годзин, а у Новим Вербаше после вечаршей котра почина на 17 годзин.

У Сримскей Митровици св. Миколай придзе тиж после велькей Служби Божей на 10 годзин, а беоґрадски вирни го дочекаю после вечаршей Служби на 16 годзин.

Святи Миколай подзелї пакецики дзецом и у Сриме на нєдзелю, 16. децембра, перше у церкви у Шидзе на 17,30 годзин, а потим и у церквох у Беркасове и Бикичу.

Святи Миколай обрадує дзеци у Коцуре на вовторок, 18. децембра, у Кули на саме швето 19. децембра, а у церкви у Бачинцох шлїдуюцей нєдзелї, 23. децембра.

ПОВЯЗАНИ ТЕКСТИ