НОВИ САД – Драмски студио Руского културного центру (РКЦ) пририхтал и у тогорочней 2017/18 сезони премиєру, на тот завод, драмского дїла „Бабушка”.
Текст, режию и сценоґрафию подписує Звонимир Павлович, а у представи розпатра ище єден аспект „кафкиянского” гнобеня тоталитарней системи над поєдинцом през форму фалшивих и вимонтираних „процесох”.
У представи участвую Славко Бучко, Марина Хома, Яким Грубеня, Владимир Гаргаї, Дюра Латяк, Йован Живкович, Ребека Планчак, Ася Папуґа, Борис Фейди, Александра Живкович Бучко и Любица Фечо, а проєкт финансийно помогли Покраїнски секретарият за културу и Национални совит Руснацох.
Премиєра „Бабушки” будзе на пияток, 16. марца, а на тогорочним Драмским мемориялє Петра Ризнича Дядї наступи шлїдуюцого пиятку, 23. марца. Уходнїца на пияткову премиєру кошта 200 динари.