Нови безповратни средства за системи за наводньованє

автор мар
1.1k Опатрене

НОВИ САД – Розписани Други конкурс за софинансованє купованя опреми за залївни системи и дзиравенє студньох на териториї АП Войводини, а тирва заключно зоз 15. септембром, або покля будзе средства.

Средства по тим Конкурсу опредзелєни за софинансованє залївних системох, за дзиравенє студньох з конструкцию профила пречнїка од 90 до 820 мм, потим за купованє опреми за студнї, пумпи и аґреґати за залїванє, системи за фертиґрацию, тифони, линиї за наводньованє, системи „капка по капку”.

Безповратни средства котри мож достац по тим Конкурсу можу буц найвецей до 60 одсто цалосней инвестициї без ПДВ, односно 70 одсто за жени, младших од 40 роки и за тих котри з подручя очежаней роботи.

Єдно з условийох за конкурованє же би исте польопривредне ґаздовство, односно задруґа, уж нє конкуровала на Перши конкурс котри обявени 4. марца того року. Потим же би подношитель мал вимирени шицки обовязки у Порцийней управи, та и власнїкови жеми, кед же роби аренду. Тиж нє мож достац субвенциї за исти предмет за котри поднєшена вимога за субвенциї по других основох.

Цали текст конкурсу, правилнїк и потребни формулари мож опатриц на интернет адреси: www.psp.vojvodina.gov.rs.

ПОВЯЗАНИ ТЕКСТИ